Deklaratë për media

20.03.2025

Array

Raporti i fundit i auditimit nga Zyra Kombëtare e Auditimit te Kosovës (ZKA) ka ngritur shqetësime serioze lidhur me dobësitë e identifikuara ne menaxhimin e kontratës “Mirëmbaja dhe riparimi i infrastrukturës ne Deponite Sanitare dhe Stacionet e Transferit” te nënshkruar me datën 30.09.2021, pra ne kohën kur KMDK është udhëhequr nga menxhmenti të mëparshëm. Si kryeshef ekzekutiv aktual i KMDK-se, dua te siguroj publikun dhe te gjithë palët e interesuara se këto çështje po trajtohen me seriozitet te plote, dhe tashme janë ndërmarre veprime korrigjuese. Është e rëndësishme te qartësohet se gjetjet ne ketë raport kanë të bëjnë me një kontrate qe është nisur dhe zbatuar nga administrata e mëparshme, përpara se unë te merrja këtë pozite. Është e rëndësishme te qartësohet se gjetjet ne ketë raport kanë të bëjnë me një kontrate qe është nisur dhe zbatuar nga administrata e mëparshme, përpara se unë te merrja këtë pozite. Megjithatë, si udhëheqës i kësaj organizate, marr përgjegjësinë e plote për te siguruar qe reformat e nevojshme dhe masat e llogaridhënies te zbatohen menjëherë.

Çështjet Kryesore te Identifikuara ne Raportin e Auditimit:

  • Dobësi ne realizimin e kontratës – tejkalimi i disa pozicioneve dhe mos shfrytëzimi i pozicioneve tjera financiare. Tejkalimet e sasive te kontraktuara dhe pagesa te paautorizuara, ne një shume prej 958,189 €.
  • Mospërputhje me ligjin e prokurimit, duke përfshire devijime kontraktuake qe kane tejkaluar kufirin ligjor prej 30% sipas kontratës dhe lenie pa shfrytëzuar te shumicës se linjave te kontraktuara.
  • Mungesë dokumentacioni dhe mbikëqyrjeje te duhur, duke ngritur shqetësime serioze pe transparencën financiare dhe mundësi për keqpërdorim dhe korrupsion.
  • Mungesë e miratimeve dhe kontrolleve te nevojshme.

Veprimet që po ndërmarrim:

  • Rishikim i menjëhershëm i brendshëm
    • Po ristrukturojmë ndërmarrën dhe po vëmë rend dhe rregull ne prokurim dhe menaxhim te kontratave, për te siguruar që të gjitha kontratat të jenë në pajtim me procedura të qarta, te hapura dhe konkurruese.
    • Si ekip menaxhues po merremi me ketë çështje, dhe po kryejmë një rishikim të plote të praktikave te mëparshme financiare dhe te menaxhimit te kontratave.
    • Po bashkëpunojmë ngushtë me këshilltarë ligjore për të shqyrtuar nëse duhet te ndërmerren veprime ligjore kundër atyre që janë përgjegjës për shkelje, brenda dhe jashtë ndërmarrjes.
    • Po shqyrtojmë mundësitë e rritjes se mbikëqyrjes dhe llogaridhënies nëpërmjet angazhimit te një auditori shtese dhe te një mbështetësi profesional për menaxhimin e kontratave.
    • Po zbatojmë procese me te rrepta miratimi për te gjitha kontratat, për të parandaluar shpenzimet e paautorizuara apo te panevojshme.
    • Po vendosim një kuadër te ri te pajtueshmërisë ne prokurim, për të siguruar që të gjitha kontratat të jenë në pajim me procedura te qarta, të hapura dhe konkurruese.
  • Bashkëpunim i plot me autoritetet
    • Po bashkëpunojmë plotësisht me ZKA dhe çdo institucion hetimor përkatës.
    • KMDK do te siguroje të gjithë dokumentacionin dhe provat e nevojshme për një hetim të thelle dhe te drejte për parregullsitë e identifikuara.
  • Mbajtja përgjegjëse e atyre që janë përfshirë
    • Kemi vendosur te suspendomë përgjegjësit e nivelit te pare te identifikuar për parregullsitë.
    • Për këdo qe konfirmohet keqbërje, do te ndërmarrim veprime ligjorë për të rikuperuar fondet e keqpërdoruara.
    • Po rishikojmë detyrimet kontraktuake dhe përgjegjësitë ligjore, për të përcaktuar nëse ish-zyrtaret kanë shkelur detyrat e tyre.
  • Sigurimi i transparencës dhe reformave afatgjata
    • Po implementojmë një sistem dixhital të monitorimit, për të garantuar mbikëqyrje financiare ne kohe reale.
    • Jemi duke e përmirësuar procesin e brendshëm dhe kualitetin e raportimit, për të informuar mbi përparimet ne përmirësimin e qeverisjes dhe menaxhimit financiar në ndërmarrje.
    • Punonjësit e përfshire ne prokurim, menaxhim të kontratave dhe mbikëqyrjes financiare do t’i nënshtrohen trajnimeve të detyrueshme mbi etiken dhe pajtueshmërinë ligjore.
  • Angazhimi ynë për transparence dhe besimin publik

KMDK është e përkushtuar për të rikthyer besimin e publikut përmes masave me te forta te llogaridhënies, kontrolleve financiare dhe lidershipit etik. Kjo situatë nuk do të injorohet dhe nuk do të përsëritet nën udhëheqjen time.

Ne do të informojmë publikun mbi përparimet tona dhe te sigurohemi që te gjitha masat korrigjuese të zbatohen me rigorozitet.

Qëllimi ynë është ta transformojmë KMDK-në në një model të transparencës dhe efikasitetit, duke garantuar qe fondet publike të menaxhohen me përgjegjësi dhe ne interesin më të mirë të qytetarëve të Republikës se Kosovës.

Nëse keni ndonjë pyetje apo shqetësim, ju ftojmë të na kontaktoni. Ne mbetemi të përkushtuar për te zgjidhur ketë çështje me transparence dhe përgjegjësi të plotë.

Raportin e plotë: “Mirëmbajtja dhe riparimi i infrastrukturës ne deponitë sanitare dhe stacionet e transferit ne Kompaninë e Menaxhimit te Deponive ne Kosovë” mund ta gjeni ne: https://zka-rks.org/Reports/ReportDetails?reportId=7972

Dardan Velija
Kryeshef Ekzekutiv

Kompania për Menaxhimin e Deponive në Kosovë

Rruga: Sheshi i Lirisë, p.n Fushë Kosovë 12000, Kosovë
Tel: +383 (0) 38 600 551; 600 552
Email: info@kmdk-ks.org

 

 

Deklaratë për media - KMDK
This site is registered on wpml.org as a development site.