Kompania për Menaxhimin e Deponive të Kosovës, e udhëhequr nga Drejtori Ekzekutiv z. Dardan Velija, ka nënshkruar një marrëveshje bashkëpunimi me Komunën e Pejës, për një hap madhor në përmirësimin e mjedisit në rajon.
Marrëveshja, e firmosur mes z. Dardan Velija dhe Kryetarit të Komunës së Pejës, z. Gazmend Muhaxheri, përcakton angazhimet dhe kontributin financiar për rehabilitimin e deponisë së Pejës dhe mbylljen e deponisë në Istog.
Kontributi i Komunës së Pejës:
- 1,000,000 € në vitin 2026
- 2,000,000 € në vitin 2027
Projekti do të mbështetet gjithashtu nga Bashkimi Evropian me 9,000,000 €.
Ky bashkëpunim është një hap i rëndësishëm drejt:
- Modernizimit të infrastrukturës mjedisore
- Mbrojtjes së natyrës
- Përmirësimit të cilësisë së jetës për qytetarët.
Kompania për Menaxhimin e Deponive të Kosovës mbetet e përkushtuar që menaxhimi i mbetjeve të bëhet sipas standardeve më të larta profesionale dhe praktikave më të mira ndërkombëtare.
