Kryeshefi ekzekutiv i Kompanisë për Menaxhimin e Deponive në Kosovë (KMDK) z.Dardan Velija, mori pjesë në takimin e Nënkomitetit për Transport, Energji, Mjedis dhe Zhvillim Rajonal, në Bruksel, ku informoi Komisionin Evropian për progresin dhe arritjet e realizuara gjatë viteve të fundit.
Gjatë takimit u prezantuan zhvillimet kryesore në sektorin e menaxhimit të mbeturinave, me theks të veçantë në ristrukturimin organizativ dhe ngritjen e kapaciteteve njerëzore të KMDK-së, elemente thelbësore për arritjen e objektivave strategjike dhe përmirësimin e performancës së sektorit.
Po ashtu, u raportua për progresin në rehabilitimin e deponive sanitare, një proces i rëndësishëm që do të kontribuojë në eliminimin e rreziqeve dhe dëmeve mjedisore si dhe në përmirësimin e standardeve të mbrojtjes së mjedisit dhe shëndetit publik.
KMDK mbetet e përkushtuar në zbatimin e projekteve zhvillimore dhe në avancimin e praktikave të qëndrueshme të menaxhimit të mbeturinave në përputhje me standardet evropiane.
